Cors di perfezionament e di inzornament pai insegnants

Il Cors di perfezionament e inzornament al à tant che finalitât chê di:

• furnî lis cognossincis culturâls, sientifichis e linguistichis e la competence didatiche che a coventin par insegnâ la lenghe furlane daûr di une metodiche coerente comprensive des componentis linguistichis dal progjet educatîf;
• disvilupà une educazion linguistiche vierte ae diversitât linguistiche e culturâl;
• promovi une efetive competence linguistiche plurilengâl e interculturâl tai arlêfs.

Il profîl professionâl che al nassarà di chest Cors al è chel di un insegnant, che intal ambit dal specific ordin de scuele, al rivarà a puartâ indevant ativitâts di insegnament de lenghe furlane e in lenghe furlane di altris materiis.