Didatiche linguistiche integrade

Program / Contignûts dal insegnament

Docente: Silvana Schiavi Fachin

Vie pal cors si fasarà une analisi des fondis de educazion linguistiche de didatiche linguistiche e de educazion bi - plurilengâl che a varan di vuidâ i insegnants / lis insegnantis intes sieltis de programazion curicolâr, inte selezion des nozions, des funzions comunicativis, dai contignûts e dal lessic di insegnâ e fâ cjapâ sù, des ativitâts didatichis di promovi, dai criteris di sielzi par misurâ la valutazion dai risultâts, dai materiâi didatics e dai supuarts glottotecnologjics di doprâ intal insegnament / aprendiment des lenghis nativis, lenghis secondis e lenghis forestis.

Rimarc al vignarà dat al "savê fâ cu la lenghe" cun propuestis di ativitâts intal ambit de educazion al scoltâ, ae produzion di discors, ae leture intensive e estensive, ae comunicazion scrite funzionâl e creative. I aspiets de fonetiche e de fonologjie e chei de morfosintatiche a saran ogjet di esercitazions des cuatri abilitâts linguistichis e des principâls competencis: chê comunicative, chê morfosintatiche, chê testuâl, chê socio-pragmatiche, e ancje la competence extralinguistiche e lis tecnichis didatichis di doprâ intal lavôr che si fâs in classe.

Il cors al previôt ancje la presince di un ospit che al darà aes corsistis / ai corsiscj la sô personâl esperience di autôr o autore o di specialist dal setôr de leterature e de culture furlane.

Lis lezions a saran organizadis inte maniere seguitive: introduzion de docente, intervent dal ospit e une esercitazion di laboratori cu la sielte di tescj jenfri chei che a vignaran conseâts dal ospit e che a saran ogjet di analisi e di didatiche. Si larà insot a tematichis tant che MIGRAZIONS, LA FEMINE, VUERIS, IL BON ACET, e v.i.

Ogni ospit al darà une bibliografie sul argoment dal intervent.

Tescj / Bibliografie

AA.VV. 1999.Curricolo di italiano per stranieri.Roma: Bonacci.

De Mauro T.1998. Linguistica elementare.Bari: Laterza.

Halliday M.A. K.1992.Lingua parlata e lingua scritta. Firenze: la Nuova Italia.

Schiavi Fachin S..1994. Lingue native, lingue seconde e lingue straniere nel gioco comunicativo dei bambini della Carinzia, del Friuli-Venezia Giulia e della Slovenia. In TEMPUS 3767,Uciti Drugi/tuji jezik:kie,koga,kako,Univerza V Ljubljani: Pedagoska Fakulteta V Ljubljani,pp.39-54.

Schiavi Fachin S.1995. Il ruolo della madre nello sviluppo del plurilinguismo infantile. In Plurilinguismo 2. Udine: Arti Grafiche Friulane,pp.55-64.

Simone R.1988. Maistock. Il linguaggio spiegato da una bambina.Firenze: La Nuova Italia.

Simone.R.2OO1. La terza fase.Forme di sapere che stiamo perdendo. Bari: Laterza.