Dirits des minorancis

Docent: Marco Stolfo

Program / Contignûts dal insegnament

Il cors al à chê di meti a disposizion dai arlêfs lis cognossincis di fonde in cont di minorancis, dirits e tutele, sei in gjenerâl che cun riferiment specific al câs furlan. Il program al ten dongje la suaze teoriche e la normative di riferiment cuntune atenzion specifiche pe relazion tra dirits linguistics e dirit ae istruzion e pal ûs, pal insegnament e pal aprendiment de lenghe furlane a scuele.

A) Principis e dirits

• Minorance e minorancis.
• Dirits des minorancis, dirits des personis che a fasin part di une minorance, dirits linguistics.
• Tutele (di cui? di ce? parcè? cemût?)
• Tutele e politichis linguistichis.
• Il furlan, une lenghe minorizade e minoritarie; i furlans, une minorance.

B) La normative di riferiment

• La dimension europeane e internazionâl.
• La tutele des minorancis linguistichis tant che principi di fonde dal ordenament de Republiche taliane.
• La leç statâl 482/1999.
• La Regjon autonome Friûl - VJ: autonomie speciâl e tutele des minorancis; l'art. 3 dal Statût; la evoluzion de legjislazion di tutele des minorancis furlane, slovene e todescje.
• Lis leçs regjonâls 15/1996 e 29/2007.
• E te regjon Venit?

C) Dirit ae lenghe e dirit ae istruzion: furlan a scuele e educazion plurilengâl

Tescj / Bibliografie

• Materiâi consegnâts vie pes lezions.
• STOLFO, Minorancis linguistichis. Lidrîs e prosetivis europeanis de Leç 482/1999, Udin, CUF, 2007.
• STOLFO, Si ses europeu, faedda in sardu. Deghe annos de Lege 482/1999. Sardigna, Itàlia, Europa / Dieci anni di legge 482/1999. Sardegna, Italia, Europa, Ghilarza, Iskra, 2009.
• CRESSATI, M. STOLFO (ed.), Languages, Rights, Citizenship/ Lingue, diritti, cittadinanza: Friuli-Venezia Giulia, Italia, Europa, Mediterraneo, Udine, Forum, 2014.