Laboratori di dissiplinis antropologjichis

Docente: Sabrina Tonutti

Tutor di labortori: Stefano Morandini

Program / Contignûts dal laboratori

Il laboratori al proponarà lis tematichis seguitivis:

• Elements clâf de prospetive antropologjiche: epistemologjie e metodologjie de ricercje etnografiche. Etnografie dal Friûl cun menzon ae storie dai studiis. La pratiche etnografiche e lis sôs aplicazions ae didatiche.
• Antropologjie dal timp e dal spazi: cemût che la organizazion di chestis dimensions si esprimin in Friûl tai lunaris, i rituai di passaç, la division jenfri il timp festîf e feriâl. I ciclis de vite e i rituai dal procès antropopoietic (procès identitariis, rituai dal cicli de vite);
• Antropologjie dal mangjâ, il mangjâ e i lûcs. Lis “tipicitâts” alimentaris furlanis e lis tradizions culinaris tai lôr procès di costituzion e trasmission.
• Biodiversitât e risorsis, midiant i esemplis de coltivazion dal tabac e dai liùms. Risorsis vegjetâls e nestris modalitâts di “costruzion” dal mont che nus sta tor a tor. Il model dal cuarp, il model zooomorf, il model vegjetâl. I “prototips”.
• I ogjets e la lôr storie, dentri e fûr dai museus. Cemût che i ogjets di afezion a contin la storie des personis.
• La medisine “te pratiche”.

Pes ativitâts di laboratori a vignaràn organizâts 4 - 5 grups di corsiscj/corsistis par lâ insot aes tematichis proponudis cussì di creâ ideis e materiâi par ativitâts didatichis.

Jessude al Museu Etnografic dal Friûl