Laboratori di dissiplinis musicâls - Secont modul

Docente dal laboratori: Simona Cois

Tutor di laboratori: Arianna Plazzotta

Contignûts dal laboratori

Il laboratori si propon di meti adun materiâl didatic in lenghe furlane, taliane e inglese, par vignî dongje aes esigjiencis dai docents e des docentis impegnâts/impegnadis in ples/modui cun progjets integratîfs precîs.

Si tacarà cun esemplis pratics gjavâts fûr di materiâl doprabil, produsût de tutor dal laboratori, lant indevant cuntun studi de metriche e de accentazion. Tal proponi i tocs la tutor e la docente a daran sugjeriments par cognossi miôr la teorie musicâl e lis soluzions musicâls che si puedin praticâ tes scuelis de infanzie, primarie e secondarie di prin grât, cussì di frontâ in maniere pratiche e teoriche i concets di canone, ostinato, pulsazion, ritmi, poliritmia, unisono e armonie.

Cun di plui si larà ancje insot aes plui cognossudis metodologjiis pe didatiche de musiche e soredut une analisi des carateristichis dai tocs musicâi plui adats ae vocalitât dai fruts, in maniere di puartâ lis docentis a jessi plui autonomis te sielte dai materiâi e intes modalitâts di insegnament.

Dutis lis ativitâts a judaran i docents e lis docentis cun soluzions ritmichis e melodichis di facil ûs par fâ in musiche i tescj intune maniere adate aes diferentis etâts dai arlêfs che a cjapin part ai progjets.

I materiâi proponûts e chei produsûts a vignarn trascrits e regjistrâts.