Laboratori di dissiplinis storichis

Oris di laboratori: 25

Docente: Irene Bolzon

Tutor dal laboratori: Giulia Sattolo

Program / Contignûts dal laboratori

Lis tematichis che a vignaran frontadis vie pes lezions a rivuardin i fats storics seguitîfs:

  • il Risorziment: i furlans e la Nazion a tacâ dal tricolôr di Osôf e la storie di Maria Agosti Pascottini;
  • la Prime Vuere Mondiâl: i monuments tant che strument di memorie. In cheste part dal program si presentarà il monument tant che machine pensade par comunicâ e costruî la memorie dai fats peâts al timp passât daûr di une vision funzionâl al timp presint;
  • la Seconde Vuere Mondiâl: i lûcs de violence. Sedi il fassisim sedi il nazisim, ancje se cun strategjiis e premessis teorichis une vore diferentis, a àn agjît daûr di fuartis modalitâts di control dal teritori e violentis strategjiis tai confronts de popolazion. Une dramatiche testemoneance si cjate a Gonars, sede di un dai plui grancj cjamps di concentrament fasssicj in Italie, e Palme, tal specific la Caserme "Piave" dulà che al è stât ospitât a tacâ dal mês di Setembar dal an 1944 un dai plui grancj centris di repression anti partesane de regjon.

Vie pes oris di labortori, insiemi cu la tutor, si larà insot aes tematichis frontadis vie pes oris di lezion tignudis de docente, e si puartarà insom il program tocjant i fats storics seguitîfs:

  • Republiche di Cjargne cun la vision dal film - documentari "1944. Un'estate di Libertà" di Marco Rossitti e vision dal cd "1944. Repubblica della Carnia. Le radici della libertà e della democrazia";
  • ilustrazion di materiâl iconografic e multimediâl par permeti ai insegnants un svicinament pratic e concret ae storie;
  • storie dal Friûl: nassite de Patrie dal Friûl, a tacâ des origjinis fin ae fin dal Patriarcjiât, focus su la Fieste de Patrie dal Friûl e sul parcè de date dai 3 di Avrîl dal 1077, la Bole dal Imperadôr, il Parlament furlan;
  • la crudel zobia grassa dai 27 di Fevrâr dal 1511;
  • la bandiere dal Friûl;
  • lis monedis dal Friûl;
  • la nassite de Regjon Friûl Vignesie Julie;
  • la storie de bandiere taliane: il tricolôr;
  • "La zornade de Memorie". Vision dal carton "Il cartoon de Shoa" vincidôr dal concors nazionâl "I giovani ricordano la Shoa" metût adun des classis IV A/B dal Circul Didatic di Bari "G. Mazzini", premiât ai 27 di Zenâr dal 2011 dal President de Republiche Giorgio Napolitano. Vision dal carton - curt musicâl "Shoa" di Chaz Smith;
  • la fieste de Europe cu la declarazion di Shuman dai 9 di Mai dal 1950.

 Tescj di riferiment dâts fûr ai corsiscj/corsistis:

  • Piçul Pieri (Londero Pietro), Storie di un popul furlan, Edizion de Clape Culturâl Furlane "Hermes di Colored", Udin, 2012;
  • Ellero Gianfranco, Bergamini Giuseppe (a cura di), Il Friuli. Una Patria., Assessorato alla Cultura della Provincia di Udine, Udine, 2009.
  • A. VV., Conosciamo la Grande Guerrra in Friuli Venezia Giulia. 1914 Popoli alle armi, Società Filologica Friulana, Udine, 2015.
  • Piccinno Vaentina, Musei e Collezioni nella Provincia di Udine. Percorsi di Storia e Arte, Assessorato alla Cultura della Provincia di Udine, Udine, 2011.
  • Begotti Pier Carlo, Friûl (in)storie, Società Filologica Friulana, Udine, 2010.

Bibliografie

  • Bibliografie Grande Vuere
  • Bibliografie Seconde Vuere Mondiâl

Visite vuidade a Udin

  • Itinerari